2022 жылдың 10 ақпанында «Жиырма мыңжылдықтың құпиясы: ізденістер мен ашылымдар» атты кітабының авторы Алшанов Рахман Алшанұлы М. Әуезов атындағы Оңтүстік Қазақстан университетінде білім алушыларымен кездесу өтті. Кездесуде автордың туындысымен оқып-танысқан Заң факультетінің 2 курс студенті Н.Әліайдарқызы «Жиырма мыңжылдықтың құпиясы: ізденістер мен ашылымдар» атты кітабы ғылымға деген құштарлықты оятқан бірден-бір еңбек» екенін атап өтті. Аталған туынды бойынша оқушылар мен студенттер арасында эссе жазудан ұйымдастырылған байқаудың жеңімпаздарына автор ақшалай сыйлықтар мен алғыс хаттар табыстады. Заң факультетінің студенттері аталған байқауға белсене қатысып, сертификат пен 50000 теңге ақшалай сыйлықты жүлделі 1 орын иесі - Ф.Раймбековаға және сертификат пен 20000 теңге ақшалай сыйлықты жүлделі 3 орын иесі - З.Әбдуғаппарға берілді. Сонымен қатар үздік эссе жазғаны үшін Заң факультетінің білім алушылары: Асқар А., Баймагамбетов Н., Есіркеп А., Әліайдарқызы Н., Жанадилова Ж., Жүсіпбекова А., Имелинская В., Лесбек Т., Мырзабек Ж., Төлепов Қ., Тұрсынбек Д., Үсен М. марапатталды.
