Жаңалықтар
«Жаһандану дәуіріндегі ұлттық құндылықтардың қажеттілігі» атты іс-шара өтті
- Бедебаев Т.А.
- Санат (kk-kz)
- Қаралды: 30
21 қараша Бүкіл әлемдік Философтар күніне орай М.Әуезов ат. ОҚЗУ, Заң факультеті, «Философия» кафедрасының ұйымдастыруымен «Жаһандану дәуіріндегі ұлттық құндылықтардың қажеттілігі» атты іс-шара өтті. Аталған іс-шараны факультет деканы Мақсат Елікбай және «Философия» кафедрасының меңгерушісі Ибраева Нурила Амировна өздерінің жақсы лебіздерімен салтанатты түрде ашып берді. «Философия» кафедрасының тәрбие ісіне жауапты, аға тәлімгер Аманбайқызы Мақпалдың студенттерді жұмылдыра отырып жасаған жұмысының нәтижесінде 1 курс «Дінтану және Философия» мамандығының студенттері тәрбиелік мақсатта "Рухани сабақтастық аясында" атты қойылым көрсетіп, 2 курс «Философия» мамандығының студенті Оразалиев Бақдәулет және 3 курс «Философия» мамандығының студенті Жақсылық Махамбет «Жаһандану дәуіріндегі ұлттық құндылықтардың қажеттілігі» тақырыбындағы мәселелерді қозғайтын баяндамаларын оқыды. 1 курс «Философия» мамандығының студенттері Ұлттық құндылықтарды дәріптейтін интеллектуалды ойын ұйымдастырып, залдағы көрермендердің де іс-шараға белсенді араласуына үлес қосты. Сонымен қатар тарихта аты қалған Ұлы философтардың нақыл сөздерін Кеш барысының оңтайлы өтуіне Философия мамандығының 3 курс студенттері белсене ат салысса, Философия мамандығының 2 курс студенті Ускенова Әсел кеш жүргізушісі қызметін атқарып және Абай атамыздың «Сағаттың шықылдағы емес ермек» атты философиялық өлеңін оқыды. Кафедраның аға оқытушысы Есимова Анаркуль Эльмуратовна және Декан орынбасары Бименов Қайрат Тілеубергенұлы өз сөздерінде студенттерге тәрбиелік мәнді ой қозғады. Аталған іс-шара жақсы деңгейде өтіп, өз мәресіне жетті!
powered by social2s
