Жаңалықтар
2024 жылдың 19 желтоқсан күні М.Әуезов атындағы Оңтүстік Қазақстан университеті «Заң» факультеті «Азаматтық құқық және азаматтық іс жүргізу» кафедрасының ұйымдастыруымен Шымкент қаласының жеке сот орындаушылары өңірлік палатасының қатысуымен «Атқарушылық іс жүргізу және сот орындаушылардың мәртебесі» тақырыбында семинар өтті. Аталған семинарға Заң факультетінің деканы, з.ғ.к., доцент Елікбай М.Ә., «Азаматтық құқық және азаматтық іс жүргізу» кафедрасының меңгерушісі з.ғ.к., Рахметова Г.Р., Шымкент қаласының жеке сот орындаушыларының өңірлік палатасы басшының орынбасары Сартбаева А.Ж., Шымкент қаласының жеке сот орындаушыларының өңірлік палатасының сот орындаушысы Есимова А.Т. және факультет оқытушы-профессорлар құрамы мен студенттері қатысты.
Семинар барысында қатысушылар атқарушылық іс жүргізуді ұйымдастыру мәселелері, практикалық жүзеге асыру, құқықтық реттеу перспективалары, атқарушылық іс жүргізуде тараптардың құқықтарын қорғауды және мемлекеттік және жеке сот орындаушылардың жұмыстарын жетілдіру бойынша өз пікірлерін ортаға салды.
powered by social2s
